🔥🔥THUG LIFE 🔥🔥38 വർഷത്തെ ഇടവേളയ്ക്കു ശേഷം ഉലകനായകൻ ശ്രീ കമൽഹാസനും മണിരത്നവും ഒന്നിക്കുമ്പോൾ ..!! കൂടെ സിമ്പുവും തൃഷയും വമ്പൻ താരനിരയും …!! ജൂൺ 5 നു !!

ഇന്ത്യൻ സിനിമയിലെ എക്കാലത്തെയും അത്ഭുത പ്രതിഭാസമാണ് കമൽ ഹാസൻ .. ഇക്കാര്യത്തിൽ സിനിമയെ സ്നേഹിക്കുന്ന ആർക്കും തന്നെ ഒരു തർക്കവും കാണില്ല…കാരണം അദ്ദേഹം ഓരോ സിനിമക്ക് വേണ്ടിയും എടുക്കുന്ന പ്രയത്നങ്ങൾ അത്രയ്ക്കും വിലമതിക്കാനാകാത്തതാണ് .. തമിഴിന് പുറമെ , മലയാളത്തിലും തെലുഗുവിലും , ബംഗാളിയിലും ഹിന്ദിയിലും കന്നടയിലും ഒക്കെ അഭിനയിച്ചു കഴിഞ്ഞ , നാല് ദേശിയ പുരസ്കാരങ്ങളും ഒൻപതു സംസ്ഥാന അവാർഡുകളും രണ്ടു തവണ ഫിലിം ഫെയർ അവാർഡുകളും പതിനെട്ടു തവണ സൗത്ത് ഫിലിം ഫെയർ അവാർഡുകളും പദ്മഭൂഷണും പദ്മശ്രീയും ഷെവലിയാർ പട്ടവും എന്നിങ്ങനെ അദ്ദേഹത്തിന് ലഭിച്ചിട്ടുള്ള പുരസ്‌കാരങ്ങളുടെ പട്ടിക അങ്ങിനെ നീണ്ടു നീണ്ടു പോകും. വെറുതെയാണോ അദ്ദേഹത്തിനെ സ്നേഹത്തോടെ ഉലകനായകൻ എന്ന് വിളിക്കുന്നത് … !!

ഇന്ത്യൻ സിനിമയിലെ താരങ്ങൾ തങ്ങളെയൊന്നു ഇദ്ദേഹത്തിന്റെ സിനിമയിലേക്കൊന്നു വിളിക്കാൻ കാത്തിരിക്കുന്ന ഒരുപക്ഷെ വളരെ ചുരുക്കം സംവിധായകരെ ഇന്ന് ഇന്ത്യയിലുള്ളൂ .. അതിൽ മുൻപന്തിയിൽ നിൽക്കുന്ന പേരാണ് ശ്രീ മണിരത്നം ! 1987 ഇൽ ഇറങ്ങിയ നായകൻ എന്ന സിനിമക്ക് ശേഷം .. നീണ്ട 38 വർഷങ്ങൾക്കു ശേഷം മണിരത്നം കമൽഹാസൻ കൂട്ടുകെട്ട് വീണ്ടും … തഗ് ലൈഫ് !!

ഇത്തവണ തഗ് ലൈഫിന് ഹരം പകരാൻ വലിയൊരു താര നിര തന്നെയുണ്ട് … സിലമ്പരശൻ , തൃഷ , നാസർ, മഹേഷ് മഞ്ജരേക്കർ , അഭിരാമി , തുടങ്ങിയവരുടെ കൂടെ മലയാളത്തിൽ നിന്നും നമ്മുടെ സ്വന്തം ജോജു ജോർജും ബാബുരാജ്ഉം കൂടി ചേരുമ്പോൾ തഗ് ലൈഫ് വീണ്ടും സിനിമാപ്രേമികൾക്കിടയിൽ ചർച്ചയാകുകയാണ് ..!!

പോസ്റ്ററിലും ഇറങ്ങിയ ട്രെയ്ലറിലും സിലമ്പരശന്റെ കഥാപത്രം വളരെ വ്യത്യസ്തതയാർന്ന ഒന്നാണെന്ന് കാണാൻ സാധിക്കും .. ഇതിനുമുൻപ് സിലമ്പരശൻ മണിരത്‌നം കൂട്ടുകെട്ട് കണ്ടത് 2018 ഇൽ ഇറങ്ങിയ ചെക്കചിവന്ത വാനം എന്ന സിനിമയിൽ ആയിരുന്നു. തഗ് ലൈഫിലെ തഗ് കമലാണോ സിംബുവാണോ എന്ന് കാത്തിരുന്നു കാണേണ്ടത് തന്നെയാണ്.

തമിഴ് സിനിമയിലെ സൂപ്പർ താരങ്ങളായ വിജയിയുടെയും വിക്രമിന്റെയും സൂര്യയുടെയും അജിത്തിന്റെയും ധനുഷിന്റേയും രജനികാന്തിന്റെയും ഒക്കെ ഒപ്പം കരിയറിലെ ആദ്യകാലഘട്ടത്തിൽ തന്നെ അഭിനയിച്ച നായികയാണ് തൃഷ .. കമലിന്റെ ഒപ്പം 2015 ഇൽ ഇറങ്ങിയ തൂങ്കാവനം എന്ന സിനിമയിൽ തൃഷ വന്നിട്ടുണ്ടെങ്കിലും കമലിന്റെ നായികയായി ഒരുപക്ഷെ വരുന്നത് മണിരത്നത്തിന്റെ തഗ് ലൈഫിൽ കൂടിയായിരിക്കും .. ഒരുപക്ഷെ തന്റെ കരിയറിലെ ഏറ്റവും പീക്ക് മോമെന്റിൽ കൂടിയാണ് തൃഷ ഇപ്പോൾ എന്ന് വേണം കരുതുവാൻ… അവരുടേതായി ഇയ്യടുത്തിറങ്ങിയിട്ടുള്ള സിനിമകൾ തന്നെയാണ് അതിനുള്ള തെളിവുകൾ.ട്രൈലറിൽ കണ്ടത് വിശ്വസിക്കാമെങ്കിൽ കമലിനൊപ്പം ഒരടിപൊളി കെമിസ്ട്രിയിൽ തൃഷയെ തഗ് ലൈഫിൽ കാണാൻ സാധിക്കുമെന്ന് വേണം കരുതാൻ.

ജോസഫിന് ശേഷം മലയാളത്തിൽ നിന്നും തമിഴ് സിനിമയിലേക്ക് വളരെ കൃത്യതയോടെ വ്യത്യസ്തമായ റോളുകൾ തിരഞ്ഞെടുത്തു ധനുഷിൻറ്റെയും സൂര്യയുടെയും ഒക്കെ ഒപ്പം അഭിനയിച്ചു നമ്മുടെ സ്വന്തം ജോജു ജോർജ് ഇപ്പോൾ ഉലകനായകന്റെ കൂടെയാണ് മാറ്റുരക്കാൻ പോകുന്നത്. തഗ് ലൈഫിലൂടെ ജോജു ജോർജ് തകർക്കുന്നത് കാണാനുള്ള ഭാഗ്യം മലയാളികളുണ്ടാകട്ടെ !!

ജൂൺ അഞ്ചിന് ആണ് തഗ് ലൈഫ് തീയേറ്ററുകളിൽ എത്തുക… പൊന്നിയൻ സെൽവൻ എന്ന പീരീഡ് ഡ്രാമക്കു ശേഷം മണിരത്നം ഒരുക്കുന്ന മൾട്ടി സ്റ്റാറർ എന്ന പ്രത്യകതയും തഗ് ലൈഫിന് ഉണ്ട്. മികച്ച കാസ്റ്റിംഗും കഥാതന്തുവും മണിരത്നവും കൂടിച്ചേരുമ്പോൾ നായകനിലെ ശക്തിവേൽ നായ്ക്കർ ആണോ തഗ് ലൈഫിലെ രംഗരായ ശക്തിവേൽ നായ്ക്കരാണോ ഓർമയിൽ തങ്ങി നിൽക്കുക എന്ന് കണ്ടു തന്നെ അറിയാം !!

VV