ഒന്നര വര്ഷം മുന്പിറങ്ങിയ ടോവിനോ ചിത്രമാണ് നടികർ … അന്ന് ആ സിനിമ ഇറങ്ങിയപ്പോൾ കാണാൻ ആഗ്രഹിച്ചിരുന്നു .. എന്നാൽ ഏകദേശം അതെ സമയത്താണ് ഞാൻ ചികിത്സാർത്ഥം ആശുപത്രിയിൽ അഡ്മിറ്റ് ആകുന്നതും പിന്നീട് ആരോഗ്യം വീണ്ടെടുത്ത് സാധാരണ ജീവിതശൈലിയിലേക്കെത്തുമ്പോളേക്കും നടികർ തീയേറ്ററിൽ നിന്നും മാറിപോയിരുന്നു .. അന്ന് മുതൽ സിനിമ ഓ ടി ടി യിൽ വരുന്നതും നോക്കി ഇരുപ്പായിരുന്നു . സാമൂഹ്യമാധ്യമങ്ങളിലാകട്ടെ, ടോവിനോയുടെ നടികർ എന്ന സിനിമ പ്രേക്ഷകരുടെ ഇടയിൽ വലിയ തോതിലുള്ള സ്വീകരണം ലഭിച്ചില്ല എന്ന് ഉള്ള ഒരു വാർത്തകളായിരുന്നു കൂടുതലും.

മൂന്ന് സിനിമകൾ ആണ് ടോവിനോയുടെതായി 2024 ഇൽ ഇറങ്ങിയത്. അന്വേഷിപ്പിൻ കണ്ടെത്തും , നടികർ പിന്നെ അജയന്റെ രണ്ടാം മോഷണം . അതിനു മുന്വര്ഷങ്ങളിലാകട്ടെ ഒരുപിടി നല്ല സിനിമകളുടെ ഭാഗമായും നായകനായും മലയാളത്തിലെ ആദ്യ സൂപ്പർ ഹീറോ ആയും ഒക്കെ തിളങ്ങി നിൽക്കുന്ന ടോവിനോ സാറ്റലൈറ്റ് റൈറ്റസിന്റെ കാര്യത്തിലും മലയാളത്തിലെ പുതുതലമുറയിലെ നായകന്മാരിൽ ഒട്ടും മോശക്കാരനല്ല എന്ന് ആണ് എന്റെ ഒരു വിശ്വാസം . അങ്ങിനെ ഇരിക്കെ നടികർ എന്ന സിനിമ ഓ ടി ടി യിലെത്താൻ ഇത്രയും വൈകുന്നതെന്തേ എന്ന ഒരു ചോദ്യം എന്റെ മനസിലും ഉണ്ടായിരുന്നു. ഇടക്കാലത്തു നടികർ എന്ന സിനിമയുടെ ഓ ടി ടി റിലീസുമായി ബന്ധപെട്ടു ചില സ്ഥിരീകരിക്കാത്ത വാർത്തകളും കേൾക്കുകയുണ്ടായി .. അതായതു ഓ ടി ടി റിലീസുമായി അതിന്റെ പ്രതിഫലതുകയുമായി നിർമാതാക്കളും നായകനും തമ്മിലുള്ള അഭിപ്രായ ഭിന്നതയാണ് റിലീസ് വൈകുന്നത് എന്ന്… സത്യാവസ്ഥ അതുമായി ബന്ധപെട്ടവർക് മാത്രമേ അറിയൂ..അതവർക്ക് വിട്ടേക്കാം ..

ഇപ്പൊ നടികർ എന്ന സിനിമ സൈന പ്ലേ എന്ന പ്ലാറ്റഫോമിൽ രണ്ടു ദിവസം മുൻപ് റിലീസ് ചെയ്യുകയും കാണുകയും ചെയ്തു.. ഒറ്റ വാക്കിൽ പറഞ്ഞാൽ എനിക്കിഷ്ടപ്പെട്ടു . ടോവിനോയുടെ ഒരു ചിൽ മൂവി എന്ന് വേണമെങ്കിൽ പറയാം . കൂടെ അഭിനയിച്ച മറ്റു നടന്മാർ എല്ലാം തന്നെ താന്താങ്ങളുടെ ഭാഗം നന്നായി തന്നെ ചെയ്തു… സുരേഷ് കൃഷ്ണ , അനൂപ് മേനോൻ , രഞ്ജിത്ത് , ബാലു വര്ഗീസ് , ഭാവന , സൗബിൻ ഷാഹിർ അങ്ങിനെ കുറെ നല്ല സ്റ്റാർ കാസറ്റ് ഉള്ള ഒരു ചിൽ പടം . ഒറ്റ സീനുകളിൽ മാത്രം വന്നു പോകുന്ന ചിലരും ഉണ്ട്.. ഇന്ദ്രൻസേട്ടൻ , ലാൽ , മണിക്കുട്ടൻ , അബു സലിം , അൽത്താഫ് സലിം , ധ്യാൻ , ഷൈൻ ടോം , സുഷിൻ ശ്യാം, ഗണപതി , ചന്ദു സലിം കുമാർ, അങ്ങിനെ അങ്ങിനെ ഒരു നീണ്ട നിര തന്നെ. ആകെ മൊത്തം ഒരു കളർ ഫുൾ ഐറ്റം.

ടോവിനോ മൊത്തത്തിൽ അഭിനയം എന്ന മേഖലയിൽ കുറെ ഏറെ ദൂരം മുന്നോട്ടു സഞ്ചരിച്ചു എന്ന് ബോധ്യപ്പെടുത്തുന്ന തരത്തിലായിരുന്നു സിനിമയിലുടനീളം ടോവിനോയുടെ പ്രകടനം . ആകെ സിനിമയിൽ ഒരു മിസ് ഫിറ്റ് എന്ന് തോണിച്ചതു ഷൗബിൻ അവതരിപ്പിച്ച ആക്ടിങ് കോച്ച് എന്ന റോൾ ആയിരുന്നു. സംഗതി ഷൗബിൻ തന്നാലാവും വിധം ചെയ്തുവച്ചിട്ടുണ്ട് എങ്കിലും ആ റോളിന് കുറച്ചു കൂടി പാകത വന്ന ഒരു ആക്ടർ ചെയ്തിരുന്നെങ്കിൽ എന്ന് ചില സീനുകളിൽ എങ്കിലും എനിക്ക് തോന്നി . ഷൗബിനെ കുറച്ചു കാണുന്നതല്ല .. എന്നിരുന്നാലും … ഒരല്പം സീരിയസ്നെസ്സ് ആ റോളിന് കൊടുകേണ്ടിയിരുന്നു എന്ന് സിനിമാവസാനം തോന്നി . അത്തരമൊരു ഫീൽ ഒഴിച്ചാൽ നടികർ ഒരു പ്രാവശ്യം കണ്ടിരിക്കാൻ പറ്റുന്ന ഒരു എബോവ് ആവറേജ് മൂവി തന്നെയാണ്. എന്നിട്ടും നെറ്ഫ്ലിക്സ് , ജിയോ ,ആമസോൺ പ്രൈം തുടങ്ങിയ ഓ ടി ടി യിൽ എന്തുകൊണ്ട് നടികർ വന്നില്ല എന്നൊരു ചോദ്യം ഉത്തരം കിട്ടാതെ ഇപ്പോഴും ഉണ്ട്. സൈന പ്ളേ യോട് പ്രത്യേകിച്ച് അനിഷ്ടം ഒന്നും ഇല്ലാട്ടോ ..! എന്തോ .. അങ്ങിനെ തോന്നി .

ഇനി സിനിമ കണ്ടുകൊണ്ടിരുന്നപ്പോൾ തോന്നിയ വേറെ ചില കാര്യങ്ങൾ…. മലയാള സിനിമയിലെ നടന്മാർക്കും നടിമാർക്കും സംവിധായകർക്കും നിർമ്മാതാക്കൾക്കും അണിയറ പ്രവർത്തകർക്കും ഒക്കെ സിനിമയിലൂടെ കൊട്ട് കൊടുക്കുന്നത് ഇതാദ്യമായല്ല..ശ്രീനിവാസനും മോഹൻലാലും ഒരുമിച്ചഭിനയിച്ച ഉദയനാണ് താരം ഒക്കെ അതിനുദാഹരണങ്ങളാണ്. നടികർ എന്ന സിനിമയിലും അത്തരം ചില ലക്ഷ്യങ്ങൾ ഉണ്ടായിരുന്നോ എന്ന് ചില കേറക്ടേഴ്സിനെ കാണുമ്പോൾ എവിടെയൊക്കെയോ ഒരു സാമ്യം ..
തോന്നലാവും .. തോന്നിയത് തന്നെ ആകട്ടെ..

കാണാൻ മറക്കണ്ട … പടം സൈന പ്ളേ യിൽ ഉണ്ട്.

VV