ഓണക്കാല സിനിമകളുടെ വരവറിയിച്ചോരു പോസ്റ്റ് നാല് ദിവസം മുന്നേ ഇട്ടിരുന്നു.. അതിൽ അഞ്ചു സിനിമകളെ കുറിച്ചായിരുന്നു പറഞ്ഞിരുന്നത്. ലാലേട്ടന്റെ ഹൃദയപ്പൂർവം ,ഫഹദ് കല്യാണി പ്രിയദർശൻ കൂട്ടുകെട്ടിൽ വന്ന ഓടും കുതിര ചാടും കുതിര ,കല്യാണി പ്രിയദർശൻ നസ്ലെൻ കൂട്ടുകെട്ടിൽ വന്ന ലോകാഃ ചാപ്റ്റർ 1 ചന്ദ്ര, ഹൃദ് ഹാറൂൺ പ്രീതി മുകുന്ദൻ ടീമിന്റെ Maine Pyar Kiya ,പിന്നെ തമിഴിലെ ശിവകാർത്തികേയന്റെ മദ്രാസി എന്നിവയാണ് അവ. ഇതിൽ മദ്രസി ഇനിയും റിലീസ് ആയിട്ടില്ല , Maine Pyar Kiya ബാംഗ്ലൂരിൽ ഇതുവരെ റിലീസ് ആയിട്ടില്ല. ബാക്കി മൂണും കണ്ടു. ഒരു ഡീറ്റൈൽഡ് വിവരണം ആദ്യം പറഞ്ഞ മൂന്ന് സിനിമകളെ പറ്റിയും പിന്നീട് എഴുതാം ..കാരണം ഒരു സ്പോയ്ലർ ആകാൻ താല്പര്യം ഇല്ല എന്നത് തന്നെ .

സാധാരണ ഓണകാലത് ഇറങ്ങുന്ന സിനിമകൾ തമ്മിൽ ഒരു കോമ്പറ്റിഷൻ ഉണ്ടാവാറുണ്ട് … സിനിമയുടെ കോൺടെന്റ് , അഭിനേതാക്കൾ ,പിന്നെ പ്രേക്ഷക സ്വീകാര്യത എന്നിവയൊക്കെയാണ് കോമ്പറ്റിഷൻ മാനദണ്ഡം . ഇയ്യടുത്തകാലമായി ഒരു കാര്യം കൂടി ഈ ലിസ്റ്റിൽ കടന്നു കൂടിയിട്ടുണ്ട് .. ഗ്രോസ് കളക്ഷൻ അഥവാ കിട്ടുന്ന കോടികൾ ! നല്ല സിനിമയേത് എന്ന് നിർണയിക്കുന്ന കാര്യങ്ങളിൽ കിട്ടുന്ന കോടിക്കും ടിക്കറ്റ് ബുക്കിംഗ് ആപുകളിലെ അവൈലബിലിറ്റിയും ഒക്കെ വിഷയമാകുന്ന ഇക്കാലഘട്ടത്തിൽ കണ്ടെന്റുകൾക്കു എത്രമാത്രം പ്രാധാന്യം കിട്ടിനുണ്ടോ എന്നുള്ളത് അല്പം സങ്കോചമുണ്ടാകുന്ന ഒരു കാര്യം എന്ന് ഉറപ്പിച്ചു പറയുന്നു മൂവീസ് അൺഫിൽറ്റെർഡ് നു തലപര്യം…!

ഓടും കുതിര ചാടും കുതിര വളരെ സൂക്ഷ്മമായ ,മനുഷ്യ മനസ്സിന്റെ വിവിധതരം ലെയേറുകളെ വളരെ കൃത്യമായി ആവിഷ്കരിച്ച ഒരു തിരക്കഥയാണ്…ജീവിതത്തിലെ സങ്കല്പികവും യാഥാർഥ്യവും തമ്മിലുള്ള അന്തരവും അതുമൂലമുണ്ടാകുന്ന മാനസിക സംഘര്ഷങ്ങളും വളരെ സരസമായി അൽത്താഫ് സലിം തന്റെ സ്ക്രിപ്റ്റിംഗിലൂടെയും അഭിനയത്തിലൂടെ ലാലും ഫഹദും കല്യാണിയും രേവതിപ്പിള്ളയും വിനയ്‌ഫോർട്ടും അതിഗംഭീരമായി പ്രദര്ശിപ്പിച്ചിട്ടുണ്ട് . നമ്മൾ നാമായി തന്നെ ജീവിക്കണം , അതിൽ സന്തോഷം കണ്ടെത്തണം എന്ന വലിയ ഒരു സന്ദേശം ചെറിയ സ്ക്രീൻ സ്പേസിൽ വന്നുപോകുന്ന ധ്യാൻ ശ്രീനിവാസന്റെ ഇട്ടി എന്ന കഥാപാത്രം മനോഹരമായി അവതരിപികുന്നുണ്ട്. അൽത്താഫ് എന്ന സംവിധായകൻ തന്റെ സ്വതസിദ്ധമായ ഡാർക്ക് കോമേഡിയിലൂടെ മൂന്ന് മണിക്കൂർ നേരം പ്രേക്ഷകരെ പിടിച്ചിരുത്തുന്നു എന്നത് ശ്രദ്ധേയമാണ്.

ലാലേട്ടൻ 2025 ഇൽ എമ്പുരാനിൽ തുടങ്ങി തുടരും എന്ന വൻ വിജയത്തിലൂടെ സഞ്ചരിച്ചു ഹൃദയപൂർവ്വത്തിൽ എത്തി നിൽകുമ്പോൾ ആ അഭിനയ മാസ്മരികത കണ്ടു നിന്ന് പോകും എന്ന് വീണ്ടും തെളിയിക്കുന്നു. കൂടെ സംഗീത് പ്രതാപ് ആകട്ടെ പ്രേമലുവിലെ അമൽ ഡേവിസിൽ നിന്നും ഹൃദയപൂർവ്വത്തിലെ ജെറിയിലേക്കു എത്തുമ്പോൾ കൂടുതൽ പാകത വന്ന ഒരഭിനേതാവായി മാറുന്ന കാഴ്ച സുഖകരമായ ഒന്നാണ്. ലാലേട്ടനെ പോലെയുള്ള ഒരു ലെജണ്ടിൻറെ കൂടെ അതേയളവിൽ ത്രൂ ഔട്ട് നിൽക്കുന്ന ഒരു കഥാപാത്രമായി സംഗീത് അനായാസം സഞ്ചരിച്ചു എന്ന് വേണം കരുതാൻ. സിനിമയിലെ കൊണ്ടെന്റിൽ അസാധാരമായി ഒന്നും ഇല്ല എന്ന് വേണമെങ്കിൽ പറയാം. എന്നാലും ഒരു മേജർ ശസ്ത്രക്രിയ കഴിഞ്ഞതിനു ശേഷം ജീവിതത്തിലേക്ക് തിരിച്ചു വരുന്ന ഒരു വ്യക്തിയുടെ എല്ലാ മാനറിസങ്ങളും അതിനു ശേഷം ഉണ്ടാകുന്ന വിവിധങ്ങളായ സാഹചര്യങ്ങളും ലാലേട്ടൻ മൈന്യുടായുള്ള ഡീറ്റൈൽസും കൈമോശം വന്നു പോകാതെ പ്രതിഫലിപ്പിച്ചപ്പോൾ തന്മാത്ര എന്ന സിനിമയെ അനശ്വരമാക്കിയ പോലെ മറ്റൊരു ലാലേട്ടൻ കഥാപാത്രം ഹൃദയപൂർവം എന്ന സിനിമ പ്രേക്ഷകർക്ക് നൽകുന്നുണ്ട്.

വേഫേറെർ ഫിലിമ്സിന്റെ ബാന്നറിൽ ദുൽഖർ സൽമാൻ നിർമിച്ചു ഡൊമിനിക് അരുൺ സംവിധാനം ചെയ്ത ലോകാഃ ചാപ്റ്റർ 1 ചന്ദ്ര ആണ് മൂന്നാമത്തെ ഓണക്കാല ചിത്രം.കല്യാണിയുടെ തന്നെ രണ്ടാമത്തെ ഓണക്കാല ചിത്രവും ആലപ്പുഴ ജിമ്ഖാനക് ശേഷം നസ്ലെന്റേതായി ഇറങ്ങുന്ന സിനിമ എന്ന നിലയിലും ലോകാഃ ഒരുപാട് പ്രതീക്ഷകളുമായാണ് തീയേറ്ററിലേക്കെത്തിയത്. പ്രതീക്ഷകൾക്കുമപ്പുറത്തുമാണ് ലോകാഃ എന്നാണ് വിലയിരുത്തൽ. കാസ്റ്റിംഗ് എല്ലാം കിറുകൃത്യം. അഭിനേതാക്കളുടെ , പ്രത്യേകിച്ച് കല്യാണിയുടെ പെർഫോമൻസ് കൂടെ നസ്ലെന്റെ തനതായ ശൈലിയും കൂടെ ചേർന്നപ്പോൾ ലോകാഃ ചാപ്‌റ്റർ 1 ചന്ദ്ര ഒരടിപൊളി സിനിമ തന്നെയാണ് എന്ന് നിസംശയം പറയാം. സിനിമയുടെ തിരക്കഥ, എഡിറ്റിംഗ് , സിനിമാട്ടോഗ്രഫി , മ്യൂസിക് , എന്നിങ്ങനെ ടെക്‌നിക്കൽ ആയ വശങ്ങളും മികവുറ്റതാണ്. ഇതിന്റെ തിരക്കഥ എഴുതിയ ടീമിൽ ഒരു എഴുത്തുകാരിയും ഉണ്ടെന്നുള്ളത് പ്രശംസാർഹമാണ് .. ശാന്തി ബാലചന്ദ്രൻ എന്ന എഴുത്തുകാരിയെ അഭിനേത്രിയായും നമുക്കു പരിചയമുണ്ട്. ഇതിനോടകം തന്നെ ബോളിവുഡിലും കോളിവുഡിലും അഭിനയിച്ച ശാന്തി ബാലചന്ദ്രന്റെ തിരക്കഥയിലെ സാനിധ്യം ആയിരിക്കും ഒരുപക്ഷെ ലോകാഃ എന്ന ഫിലിമാറ്റിക് യൂണിവേഴ്സിലെ ചന്ദ്രയുടെ റോൾ കൂടുതൽ മികവുറ്റതാക്കാൻ സാധിച്ചത് എന്ന് വിശ്വസിക്കാനാണ് മൂവീസ് അൺഫിൽറ്റെർഡ് നു താല്പര്യം.

മൂന്ന് സിനിമയും കണ്ടതിന് ശേഷം ഇത്തവണ ഓണക്കാല സിനിമകളിൽ ഏതാണ് മികച്ചത് എന്ന് ചോദിച്ചാൽ മൂന്നും വ്യത്യസ്ത ജോണറിൽ ഉള്ള സിനിമയായതുകൊണ്ടും മൂന്ന് സിനിമകളും
എല്ലാ തരം പ്രേക്ഷകരെയും എന്റെർറ്റൈൻ ചെയ്യുന്ന രീതിക്ക് എടുതിട്ടുള്ളതുകൊണ്ടും
ഒന്ന് മറ്റൊന്നിനേക്കാൾ നല്ലതു എന്ന് പറയാൻ ബുദ്ധിമുട്ടുണ്ട് എന്നതാണ് മൂവീസ് ആംഫിൽറ്റെർഡ് നു പറയാൻ ഉള്ളത്.

Maine Pyar Kiya എന്ന സിനിമ കാണാൻ സാധിച്ചില്ല എന്നുള്ളത് ഒരു വിഷമമായി തന്നെ നിൽകുമ്പോൾ ഉടനെ തന്നെ അതും ബാംഗ്ലൂർ ഇൽ റിലീസാകട്ടെ എന്നും പ്രതീക്ഷിക്കുന്നു.

ഓരോ സിനിമകളെയും പറ്റിയുള്ള ഡീറ്റൈൽഡ് റിവ്യൂ ഉടനെ ഉണ്ടാകും. എല്ലാ സിനിമകളും നന്നാവണം , എല്ലാ സിനിമകളും വിജയിക്കണം എന്ന് മാത്രം ആഗ്രഹിക്കുന്നു.

VV