തുടങ്ങിയിട്ട് മൂന്നാം ആഴ്ചയിലേക്കെത്തി നിൽക്കുന്ന ബിഗ് ബോസ് മലയാളം മുൻപ് വന്ന സീസണെക്കാളും മികച്ചതാണെന്ന് ഒരഭിപ്രായവും ഇല്ലാതെയാണ് ഇതെഴുതുന്നത് .. മത്സരാര്ഥികളിൽ ഭൂരിഭാഗവും സത്യം പറഞ്ഞാൽ ഊളകളാണ് … തമ്മിൽ ഭേദം എന്റെ അഭിപ്രായത്തിൽ ആ ഡോക്ടർ ബിന്നിയും , അനീഷും , നിവിനും , അക്‌ബറും അപ്പാനിയും ഒക്കെയാണ്.. ബാക്കിയൊക്കെ ഒരു വക ..

കലാഭവൻ ശരികയും ആർ ജെ ബിൻസിയും നല്ല മത്സരാര്ഥികളായിരുന്നു ..ഒരുപക്ഷെ മറ്റുള്ളവരെക്കാൾ പ്രേക്ഷക സപ്പോർട്ട് കിട്ടാത്തതോ അതോ മറ്റുള്ളവരെക്കാൾ പോപുലരല്ലാത്തത് കൊണ്ടോ ആദ്യ ആഴ്ചകളിലെ എവിക്ഷനെ മറികടക്കാൻ അവരെ കൊണ്ട് സാധിച്ചില്ല ..

അനീഷ് ഇന്റെ ആദ്യ ആഴ്ചയിലെ പെർഫോമൻസ് വല്ലാതെ വെറുപ്പിച്ചെങ്കിലും കുറച്ചു സ്ത്രീ വിരുദ്ധത ഉള്ളത് മാറ്റി നിർത്തി പുള്ളിയെ കണ്ടാൽ ഒരു നല്ല കോണ്ടെസ്റ്റന്റ് ആണെന്ന് സമ്മതിക്കേണ്ടി വരുന്ന ഒരു പ്രകടനം ആണ് പിന്നീട് കണ്ടത്.സംസാരവും പെരുമാറ്റവും പൊതുവെ ഒരു ഏച്ചു കെട്ടി ചെയ്യുകയാണോ എന്നൊരു സംശയം ഇല്ലാതില്ല. വ്യക്തി ജീവിതത്തിൽ ഇങ്ങേരു ഇങ്ങനെയാണോ എന്നും അറിയില്ല.
അപ്പാനി എന്ന ശരത് ഇപ്പോഴും അങ്കമാലി ഡയറീസിൽ നിന്നും ഇറങ്ങിപ്പോന്നിട്ടില്ല എന്ന് വേണം കരുതാൻ…ഇടക്കൊക്കെ തന്നെ ദ്രോഹിച്ചവരെ പോയി കണ്ടു സമാധാനിപ്പിക്കലും ചോറ് വാരി കൊടുത്തും ഒരു നന്മ മരം കളിക്കുകയാണോ എന്നും തോന്നും .
ഡോക്ടർ ബിന്നി ..ആള് കുഴപ്പമില്ല..ഇത് വരെ. ഇനി എങ്ങനെയാകും എന്നറിയില്ല. നിവിൻ ആകട്ടെ ഒരു പൊളി ഐറ്റം ആണ് എന്നാണ് ഇതുവരെയുള്ള പെരുമാറ്റത്തിൽ മനസിലായത്.തോന്യവാസങ്ങൾ ഒരുപാടുണ്ടെങ്കിലും രസമാണ് കണ്ടിരിക്കാൻ. മാനറിസങ്ങളും ഖോഷ്ടികളും ഒക്കെ നേരംപോക്ക് തരുന്നതാണ്. കളി പുരോഗമിക്കുമ്പോൾ എങ്ങിനെയായിരിക്കും നിവിൻ എന്നുള്ളത് ഡോക്ടർ ബിന്നിയെ പോലെ തന്നെ കണ്ടറിയണം.
അക്ബർ ആകട്ടെ..ഫുൾ കലിപ്പ് മോഡ് ആണ് തുടക്കം മുതൽക്കു തന്നെ. എന്തിനോ വേണ്ടി തിളക്കുന്ന സാമ്പാർ എന്നൊക്കെ പോലെ .. എന്നാലും നിമിഷ കവി… ഗായകൻ .. തുടങ്ങിയ എറിയയിൽ നല്ല കഴിവ് പ്രകടിപികുന്നുണ്ട് . രേണു സുധിക് കൊടുത്ത പേര് പുള്ളിക്ക് അല്പം ഇടിവ് തന്നെങ്കിലും ഒരു പേരല്ലേ .. അതിലെന്തിരിക്കുന്നു എന്ന നിലപാടിൽ ഉറച്ചു നില്കേണ്ടതായിരുന്നു. അതിലും വൃത്തികെട്ട രീതിയിലുള്ള പോർവിളിക്കലും സംഭാഷണവും അവിടെ നടക്കുമ്പോൾ ഒരു ടാസ്കിന്റെ ഭാഗമായി കൊടുത്ത പേരിന്റെ പേരിൽ മാപ്പു ചോദിച്ചത് ഭയന്നായിരിക്കണം എന്നാണ് എന്റെ അഭിപ്രായം.

ഇനിയുള്ളത് ബാക്കിയുള്ളവരാണ് .. നൂറ ആദില .. ഒന്നും പറയാനില്ല…നന്നായി തുടങ്ങിയ അവർ.. പൂമ്പാറ്റ എന്ന പേര് സംബന്ധിച്ചിടത്തു നിന്നും തനി തറകളാകുന്ന കാഴ്ചയാണ് പിന്നീട് കണ്ടത് . രേണു സുധി…ഈ മാന്യദേഹം അവിടെ ഉണ്ടോ എന്ന് ബിഗ് ബോസ് ഒന്ന് തിരക്കുന്നതു നല്ലതാണ്‌ . എവിക്ഷനിൽ വന്നാൽ വോട്ട് നൽകി സപ്പോർട്ട് നൽകണം എന്ന മുൻ‌കൂർ വീഡിയോ ഒക്കെ ഇട്ടു പുള്ളി പൊളിച്ചടുക്കും എന്ന് കരുതിയിടത്തും നിന്ന് പാടെ അപ്രത്യക്ഷമായ പോലെയാണ് ഇക്കഴിഞ്ഞ ദിവസങ്ങളിൽ അറിയാൻ കഴിഞ്ഞത്.

റെനെ ഫാത്തിമയാണ് അടുത്ത ആൾ .. ഇതുവരെ ഒന്നും പറയാറായിട്ടില്ല. എന്തൊക്കെയോ കാട്ടികൂട്ടുന്ന തിരക്കിലാണവർ. നോക്കാം എവിടെ വരെ എത്തും എന്ന്. ഒനീൽ ,അഭിലാഷ് എന്നിവർ നല്ല പൊട്ടൻഷ്യൽ ഉള്ള രണ്ടു വ്യക്തിത്വം .. പക്ഷെ ഷാനവാസിന്റെ സ്ക്രീൻ പ്രെസെൻസിൽ എങ്ങിനെയൊക്കെയോ മുങ്ങി താഴുകയാണ് എന്നതാണ് പരിതാപകരം. നല്ല കഴിവുള്ളവരാണ് രണ്ടു പേരും..സഹതപിക്കുകയല്ലാതെ വേറൊന്നും തോന്നുന്നില്ല. ഷാനവാസാകട്ടെ .. അക്ബറിന്റേയും അപാനിയുടെയും നിഴല് കണ്ടു പേയിളകി എന്തൊക്കെയോ കാട്ടികൂട്ടുന്ന ഒരു പ്രകടനം. ഒരു നിലപാടുമില്ലാതെ വെറുതെ അങ്ങോട്ടും ഇങ്ങോട്ടും തെക്കു വടക്കു നടക്കുക.. ആദ്യ കാലഘട്ടത്തിൽ അനീഷ് ബ്രോ ചെയ്ത അതെ സ്ട്രാറ്റജി ..

ഇനി പറയാനുള്ളത് ഹൗസിലെ മറ്റൊരു വകീൽ ശൈത്യയെ കുറിച്ചാണ്. .. എന്തോ എഴുതണം എന്ന് വച്ച് തുടങ്ങിയതാണ് ഈ പാരഗ്രാഫ് .. പക്ഷെ ആകെ ബ്ലാങ്ക് ആയി പോയി. ഇതാണ് ശൈത്യയുടേയും അവസ്ഥ. വേറൊന്നും പറയാനില്ല.

മലയാളം ബിഗ് ബോസ്സിലെ മലയാളം നല്ലപോലെ അറിയാത്ത രണ്ടു പേരാണ് ആര്യനും ഗിസേലും .. ആര്യന്റെ ഗ്രാഫ് തുടക്കത്തിൽ ഉയർന്നു നിന്നിരുന്നു…എന്നാൽ ഇയ്യിടെയായി കുറച്ചു താഴേക്കാണ് പോകുന്നത്. ഇടയ്ക്കു ലാലേട്ടനെ കൂടി ട്രോള്ളിയപ്പോൾ ആര്യൻ ഒന്ന് മൂക്കുകുത്തി വീണോ എന്നൊരു സംശയം ഉണ്ട്. കേറിവരും ..കേറിവരണം എന്ന് തന്നെയാണ് അഭിപ്രായം. ഗിസേലാകട്ടെ .. എന്തോ ..കഷ്ടം തോനുന്നു ആ കുട്ടിയോട്. ഒരു ഫാഷൻ മോഡൽ ബേഗ്രൗണ്ടിൽ നിന്നും വന്നതായതോണ്ട് തന്നെ സീസൺ ഏഴിലെ ഏഴിന്റെ പണി ശെരിക്കും കിട്ടിയത് ഗിസേലിനാണ് . മെയ്ക് അപ്പ് ,വസ്ത്രങ്ങൾ എങ്ങിനെ പോകുന്നു ആ പാവത്തിന്റെ അവസ്ഥ . എന്നാലൂം ഗിസേൽ എന്ന പ്ലയെർ അടിപൊളിയാണ് എന്ന് തന്നെയാണ് അഭിപ്രായം.

ഇനിയുള്ളത് ഹൗസിലെ ഏക വിഷം പേര് പറയാൻ പോലും തോന്നാത്ത ഒരേയൊരു വ്യക്തി .. അസൂയ, കുശുമ്പ് ,ധിക്കാരം , ഡ്രാമ ,കരച്ചിൽ മെഴുകൽ , ഊളത്തരം , സംസ്കാരശൂന്യ എന്ന് വേണ്ട ഒരു ബോലോക തോൽവിക്കു എന്തൊക്കെ വൃത്തികേടുകൾ കാണിക്കാമോ അതൊക്കെ ഹൗസിലുള്ളവരോട് പ്രത്യേകിച്ച് ഗിസേൽ എന്ന മത്സരാർത്ഥിയോട്… കാണിക്കുന്ന ഒരു പ്രത്യേക തരം വ്യക്തിത്വത്തിന് ഉടമ. മൂന്നാഴ്ച്ചക്കുള്ളിൽ രണ്ടു തവണ ജയിലിൽ പോയ ഒരേയൊരു മത്സരാർത്ഥി . ടെലിവിഷൻ സീരിയൽ മേഖലയിൽ നിന്നും വന്ന ഈ വ്യക്തി കുടുംബപ്രേക്ഷകരൊക്കെ തലകുനിക്കും വിധം നാണം കെട്ട രീതിയിലുള്ള സംസാരവും പെരുമാറ്റവും പ്രകൃതവും മാത്രമാണ് കാഴ്ചവെക്കുന്നത്. വാക്കേറ്റവും കയ്യേറ്റവും അന്യയായമായ കുശുമ്പും കൈമുതലായയുള്ള ഇതിനെ ലാലേട്ടൻ ഇത്തവണ വീക്കെൻഡ് എപ്പിസോഡിൽ കൈകാര്യം ചെയ്യുമോ…??
കാത്തിരുന്ന് കാണാം .

Big Boss Malayalam season 7 ഒരു അവലോകനം !

VV