ഒരു കാലത്തു മലയാളസിനിമയുടെ അവിഭാജ്യ ഘടകങ്ങളായി തിളങ്ങിയ ജഗദീഷും മനോജ് കെ ജയനും അശോകനും സുധീഷും വിനീതും കൂടെ പുതിയ തലമുറയിലെ രാജേഷ് മാധവനും ശബരീഷും സിദ്ധാർഥ് ഭരതനും അഭിരാമും .. അങ്ങിനെ നല്ലൊരു താരനിരയിലൂടെ ഇറങ്ങിയ ഒരു സിനിമയാണ് ധീരൻ ..!

കേരളത്തിലെയും തമിഴ്നാട്ടിലെയും രണ്ടു ഗ്രാമത്തിലാണ് നടക്കുന്ന കഥാ പശ്ചാത്തലം നിരവധി അഭിനയമുഹൂര്തങ്ങളുമായി മുന്നോട്ടു പോകുമ്പോൾ ആൺ പെൺ ബന്ധത്തിന്റെ ചില ശക്തമായ ബന്ധങ്ങളുടെ വിഷയവും സിനിമ പറഞ്ഞു പോകുന്നുണ്ട് . ഈ വിഷയങ്ങൾ പൊതുവെ ബോൾഡ് സ്റ്റെമെന്റ്റ് എന്ന രീതിയിൽ പല സിനിമകളിലും പറഞ്ഞു പോകുന്നുണ്ട് എങ്കിലും വളരെ വ്യക്തമായി അടയാളപ്പെടുത്തിയ ഒരു സിനിമയായിരിക്കും ധീരൻ .

പ്രായമായാലും പ്രണയം ഉള്ളിൽ സൂക്ഷിക്കുകയും അത് സരസമായി അവതരിപ്പിക്കുകയും ചെയ്ത അശോകന്റെ കഥാപാത്രം , സ്നേഹിച്ച പെൺകുട്ടി മറ്റൊരാളുടെ വധുവായി പോകുന്നതറിഞ്ഞു ആദ്യം വിഷമിക്കുകയും പിന്നീട് ആ പെൺകുട്ടിക് തന്നോട് ലസ്റ്ഫുൾ ആയ ഒരു സമീപനമാണെന്നു തിരിച്ചറിഞ്ഞ രാജേഷ് മാധവന്റെ എൽദോസ് എന്ന കഥാപാത്രം ,എന്നാൽ ആ ബന്ധം അങ്ങിനെ തന്നെ മുന്നോട്ടു പോകട്ടെ എന്ന് തീരുമാനിക്കുകയും അക്കാരണത്താൽ ഒരു സാഹചര്യത്തിൽ ആ പെൺകുട്ടിക് ഒരു ചീത്തപ്പേരുണ്ടാകാതിരിക്കാൻ നടുവുട്ടുപോകേണ്ടി വന്നിട്ടുപോലും ആ പെൺകുട്ടിയെ അപവാദ പ്രചാരകർക്ക് വിട്ടുകൊടുക്കാതെ സ്വയം ബലിയാടായും എൽദോസ് സിനിമയിലെ യഥാർത്ഥ ധീരൻ ആണെന്ന് തെളിയിക്കുന്നുണ്ട്.

സ്വന്തം ഭാര്യ തന്റെ സഹായത്തിനായി കൊണ്ടുവന്ന അഥിതി തൊഴിലാളിയുടെ കൂടെ ഒളിച്ചോടിയ വിവരം അറിഞ്ഞു ആദ്യം വിഷമിക്കുകയും പിന്നീട് ആത്മാർത്ഥമായും തന്റെ കുറവുകളെ അംഗീകരിച്ചു അവരെ അവരുടെ ഇഷ്ടത്തിന് ജീവിക്കാൻ അനുവദിക്കുകയും ചെയ്ത മനോജ് കെ ജയന്റെ അരുവി എന്ന കഥാപാത്രം അവസാനം സിനിമയിലെ വില്ലന്റെ അനാവശ്യ ഇടപെടലുകളിൽ വളഞ്ഞ ഒരമ്മക്കും മകൾക്കും രക്ഷകനാകുന്നതിലൂടെ താനും ഒരു ധീരനാണെന്നു തെളിയിക്കുന്നു. ഒരു സാമൂഹ്യ പ്രവർത്തകൻ എന്ന നിലയിൽ തന്റെ ചുറ്റുമുള്ള ആളുകളുടെ വിഷയങ്ങളിൽ വ്യക്തമായ ഇടപെടൽ നടത്തുകയും തന്റെ ജീവന് വരെ ഒരുസമയത് ഭീഷണിയായ എൽദോസിനെ തിരിച്ചു കൊണ്ട് വരുന്നതിനു പ്രായത്തെ മറന്നു ശക്തമായ ഇടപെടൽ നടത്തിയ ജഗദീഷിന്റെ അബ്ബാസിക്കയിലും ഒരു ധീരനെ കാണാൻ സാധിക്കും .

ഒരുപാടുനാളത്തെ ആഗ്രഹത്തിനൊടുവിൽ ഉറപ്പിച്ച തന്റെ വിവാഹം ,അത് മുടക്കാൻ കാരണക്കാരനായ എൽദോസ് ,എന്നിട്ടും തന്റെ വിഷമങ്ങൾ ഉള്ളിൽ ഒതുക്കി എൽദോസിനെ രക്ഷപെടുത്താൻ രണ്ടും കല്പിച്ചിറങ്ങിയ ആംബുലൻസ് ഡ്രൈവർ സ്പിനേഷ് എന്ന കഥാപാത്രം ശബരീഷ് വർമ്മയൂം കൃത്യതയോടെ അവതരിപ്പിച്ചപ്പോൾ സ്പിനേഷ് ഉം മറ്റു ധീരന്മാരോടൊപ്പം ധൈര്യമുള്ള ഒരു ധീരനായി മാറി.

ബോറടി മാറ്റാൻ എന്തൊക്കെയാണ് ചെയ്യാൻ പറ്റുക എന്ന് മാത്രം ചിന്തിച്ചു , തന്റെ വാഹനം പരിശോധിക്കാൻ വന്ന പോലീസുകാരനെ ജീപ്പിലേക്കു എടുത്തിട്ട് പെരുമാറി ബോറടി മാറ്റിയ സിദ്ധാർഥ് ഭരതന്റെ ഗിരീശൻ കിടിലൻ സ്വാഗുമായി തന്റെ ഭാഗം നന്നായി ചെയ്തു. മരിക്കാനുള്ള പേടി മൂത്തു ഭ്രാന്തമായ ആവേശത്തോടെ തന്റെ ശത്രുക്കളെ ഒക്കെ കൊന്നൊടുക്കാൻ നടക്കുന്ന അത്തറുകച്ചവടക്കാരൻ അബൂബക്കർ വിനീതിന്റെ കയ്യിൽ ഭദ്രം .. കള്ളവാറ്റു നടത്തി തഗ് വൺ ലൈനെറുകളുമായി സുധീഷിന്റെ ജോപ്പൻ പ്രേക്ഷകർക്ക് ചിരിയുടെ മുഹൂർത്തങ്ങളും സമ്മാനിച്ചു .

അങ്ങിനെ ആകെ മൊത്തം നോക്കികാണുമ്പോൾ ധീരൻ ഒരു വട്ടം കണ്ടിരിക്കാൻ ഉള്ള എല്ലാ ചേരുവകളും വൃത്തിയായി ഇഴ ചെയ്‌തെടുത്ത ഒരു എന്റെർറ്റൈനെർ ആണെന്ന് പറയാം.

സൺ നെക്സ്റ്റ് ഓ ടി ടി യിൽ സിനിമയുണ്ട് .

VV