മലയാളികളുടെ മഹാനടനായ മമ്മൂട്ടിയുടെ വാക്കുകൾ ആണ് ഇവ .. ഇയ്യടുത്തു കണ്ട ഒരു റീൽസ് ആണ് ഞാൻ ഇത് കേട്ടത് … മമ്മൂക്കയും ഒരു പുരോഹിതനും തമ്മിൽ നടന്ന ഒരു സൗഹൃദ സംഭാഷണത്തിൽ ആണ് മമ്മൂക്ക ഇത് പറയുന്നത് …

ഒരുപാട് ശെരിയായ ഒരു വാക്‌പ്രയോഗം .. ശെരിയല്ലേ … ഒരു ബന്ധവും ഇല്ലാത്ത ഒരു പുരുഷനും സ്ത്രീയും തമ്മിൽ വിവാഹത്തിലൂടെ ഐക്യപ്പെടുമ്പോൾ സംഭവിക്കുന്ന പല പല ബന്ധങ്ങൾ … അച്ഛനും മക്കളും അമ്മയും മക്കളും , ചേട്ടനും അനിയനും , ചേച്ചിയും അനിയത്തിയും , അമ്മായിയമ്മയും മരുമക്കളും , വല്യച്ചനും ചെറുമക്കളും , ഇളയച്ഛനും ഇളയമ്മയും അങ്ങിനെ ബന്ധങ്ങളുടെ പട്ടിക നീണ്ടു നീണ്ടങ്ങിനെ കിടക്കുന്നു ..

എന്നാൽ ഈ ബന്ധങ്ങളിൽ പിരിക്കപ്പെടുവാൻ സാധ്യതയുള്ളതോ ഭാര്യാഭർതൃ ബന്ധം മാത്രമാണ് … വിവാഹ മോചനം എന്ന കലയിലൂടെ …എന്നാലോ .. ഈ ബന്ധത്തിൽ നിന്നും ഉരുത്തിരിഞ്ഞ മറ്റെല്ലാ ബന്ധങ്ങളും അതേ പടി നിലനിൽകുകയും ചെയുന്നു .. കാരണം വിവാഹമോചനത്തിലൂടെ ഭാര്യയും ഭർത്താവും വേര്പിരിഞ്ഞാലും അവരുടെ മക്കൾ കൂടപ്പിറപ്പുകളാകാതിരിക്കുന്നില്ല … മക്കൾക്കു അവർ അച്ഛനും അമ്മയും ആകാതിരിക്കുന്നുമില്ല .. അവരിലൂടെ ബന്ധങ്ങൾ ആയ മറ്റെല്ലാവരും അതേ ബന്ധങ്ങളിൽ തുടരുകയും ചെയ്യുന്നു … ആശയവിനിമയമോ ഇടപെടലുകളോ ഇല്ലാതാവുന്നു എങ്കിലും ബന്ധം ഇല്ലാതാകുന്നില്ല.

അങ്ങിനെയാണെങ്കിൽ ഭാര്യയും ഭർത്താവും തമ്മിലുള്ള ബന്ധമല്ലേ ഒരിക്കലും തകർക്കപെടാതിരിക്കേണ്ടത്….? അവരുടെ ബന്ധമല്ലേ ഏറ്റവും ശക്തമാകേണ്ടിയിരിക്കേണ്ടത് …?? ആ ബന്ധമല്ലേ അവസാനം വരെ നിലനിൽക്കേണ്ടത് …???

കലാരംഗത്തു ഭാഷാബേദമന്യേ തന്നെക്കൊണ്ട് ആവുന്നപോലെ പതിറ്റാണ്ടുകൾ നീണ്ടുപോകുന്ന കാലങ്ങളോളം സംഭാവന നൽകിയ മലയാളസിനിമയുടെ മഹാനടൻ പദ്മശ്രീ ശ്രീ ഭരത് മമ്മൂട്ടി ഒരു സൗഹൃദ സംഭാഷണത്തിലൂടെ പറഞ്ഞത് കുടുംബ ബന്ധത്തിൻറെ വിലയേയും അതിന്റെ കെട്ടുറപ്പിന്റെ ആവശ്യകതെയുമാണ് . ഒരുപക്ഷെ ഇത് നമ്മിൽ പലരും കേട്ടിട്ടുണ്ടാകും .. ഒരുപക്ഷെ ചിന്തിച്ചിട്ടുമുണ്ടാകും … ഒരിക്കൽ കേട്ടത് വീണ്ടും കേൾക്കുമ്പോൾ .. അതേപ്പറ്റി വീണ്ടും വീണ്ടും വിചിന്തനം നടത്തുമ്പോൾ ഒരുപക്ഷെ ആ കേട്ടറിവ് ഒരു തിരിച്ചറിവാകുവാനുള്ള സാധ്യത വളരെ കൂടുതൽ ആണ്…ഇതുപോലെയുള്ള തിരിച്ചറിവുകളാണല്ലോ നമ്മെ നാമാക്കുന്നതും കൂടുതൽ പക്വതയോടെ മുന്നോട്ടുള്ള ജീവിതം നയിക്കാനും പ്രേരകശക്തിയാകുന്നതും .

“ഒരു ബന്ധവും ഇല്ലാത്ത രണ്ടു പേര് തമ്മിലുള്ള ബന്ധത്തിൽ നിന്നാണ് ഭൂമിയിലെ എല്ലാ ബന്ധങ്ങളും ഉണ്ടാകുന്നത് ..”

ശുഭദിനം !

VV