ഹസീബ്സ് ഫിലിംസ്, എംജിസി പ്രൈവറ്റ് ലിമിറ്റഡിൻ്റെ കീഴിൽ നിർമ്മിച്ച് സഞ്ജിത്ത് ചന്ദ്രസേനൻ സംവിധാനം നിർവഹിച്ച് പുതുമുഖനായിക മൃണാളിനി ഗാന്ധി, ശ്രീനാഥ് ഭാസി എന്നിവർ പ്രധാനവേഷത്തിൽ എത്തുന്ന “നമുക്ക് കോടതിയിൽ കാണാം” എന്ന ചിത്രം ഒരുങ്ങുന്നു.
സംവിധായകനായ നിഥിൻ രൺജി പണിക്കർ ഈ ചിത്രത്തിലൂടെ അഭിനയരംഗത്തേക്ക് കടക്കുന്ന ചിത്രം എന്നനിലയിലും ഈ ചിത്രത്തിനു വലിയ പ്രാധാന്യം അർഹിക്കുന്നുണ്ട്.
കുടുംബബന്ധങ്ങൾക്കും വ്യക്തിബന്ധങ്ങൾക്കും ഊന്നൽ നൽകിക്കൊണ്ട് പുതിയ കാലഘട്ടത്തിന്റെ കാഴ്ചപ്പാടുകൾ ചേർത്തിണക്കിയിരിക്കുന്നു എന്നതാണ് ഈ ചിത്രത്തിന്റെ സവിശേഷത.
ഒരു പുതിയ തലമുറയുടെ കാഴ്ചപ്പാടുകളും കൗതുകങ്ങളും ഉൾക്കൊള്ളുന്ന ഒരു കുടുംബ ചിത്രമാണ്. ഒരു മിശ്രവിവാഹിതരായ ദമ്പതികൾക്ക് ഒരു കുഞ്ഞ് ജനിച്ചതിന് ശേഷം അവരുടെ ജീവിതത്തിൽ സംഭവിക്കുന്ന ചില രസകരമായ സംഭവങ്ങളാണ് ഈ സിനിമ കൈകാര്യം ചെയ്യുന്നത്. കോടതി മുറിയുമായി ബന്ധപ്പെട്ട ചില കാര്യങ്ങൾ ചിത്രത്തിന്റെ പേരിൽ സൂചിപ്പിക്കുന്നുണ്ടെങ്കിലും, ഇത് ഒരു മുഴുനീള കോർട്ട് റൂം ഡ്രാമയല്ല, മറിച്ച് കുടുംബബന്ധങ്ങൾക്കും പുതിയ കാലത്തിന്റെ ജീവിതരീതികൾക്കും പ്രാധാന്യം നൽകുന്ന ഒരു സിനിമയായിരിക്കും.
ശ്രീനാഥ് ഭാസി, മൃണാളിനി ഗാന്ധി പുറമെ രഞ്ജി പണിക്കർ, ലാലു അലക്സ്, ജോണി ആന്റണി,ജാഫർ ഇടുക്കി, സിജോയ് വർഗ്ഗീസ്, രശ്മി ബോബൻ, നിഥിൻ രൺജി പണിക്കർ, സഫൽ അക്ബർ എന്നിവരും ഈ ചിത്രത്തിൻറെ ഭാഗമാകുന്നുണ്ട്.
പിന്നണി പ്രവർത്തകരായി തിരക്കഥ – ആഷിഖ് അക്ബർ അലി, സംഗീതം – രാഹുൽ സുബ്രഹ്മണ്യം, എഡിറ്റിംഗ് – സാഗർ ദാസ്, പ്രൊഡക്ഷൻ കൺട്രോളർ – നിജിൽ ദിവാകർ, കലാസംവിധാനം – സഹസ് ബാല,വസ്ത്രാലങ്കാരം – സ്റ്റെഫി സേവ്യർ,ചമയം – ജിതേഷ് പൊയ്യ, ഗാനരചന – വിനായക് ശശികുമാർ, ഛായാഗ്രഹണം – മാത്യു വർഗീസ് / മാത്യു പ്രസാദ് കെ എന്നിവരും അണിചേരുന്നുണ്ട്.
