മോഹൻലാൽ തരുൺ മൂർത്തി കൂട്ടുകെട്ടിലൂടെ വന്ന തുടരും എന്ന സിനിമക്ക് ശേഷം അല്പം ദാരിദ്ര്യമായ ഒരു സമയമായിരുന്നു മലയാള സിനിമക്ക് . ഏകദേശം ഇരുനൂറിനടുത്തു സിനിമകളാണ് മലയാളത്തിൽ 2025 എന്ന വര്ഷം ഇതുവരെ റിലീസ് ആയതു…അതിൽ വിരലിൽ എണ്ണാവുന്ന അത്രയുമാണ് സൂപ്പർ ഹിറ്റ് എന്ന ലേബലിൽ അറിയപ്പെടാൻ സാധിക്കുന്ന സിനിമകൾ. കുറെ നല്ല സിനിമകളും ഇക്കൂട്ടത്തിൽ ഉണ്ടെങ്കിലും തിയേറ്ററിൽ ആളെ കയറ്റാൻ തക്ക ഒരു ഓളം ഉണ്ടാകാൻ തുടരും എന്ന ലാലേട്ടൻ സിനിമ കഴിഞ്ഞതിനു ശേഷം ഒന്നിനും പറ്റിയില്ല എന്നതാണ് വാസ്തവം .

ഓണം 2025 . മലയാളസിനിമക്കു എക്കാലവും ആഘോഷമാണ് ഓണക്കാലം . ഇത്തവണയും ഓണക്കാല സിനിമകളുണ്ട് .. സത്യൻ അന്തിക്കാട് മോഹൻലാൽ കൂട്ടുകെട്ടിൽ മാളവികമോഹനനോടൊപ്പം പ്രേമലു ഫെയിം
സംഗീത് പ്രതാപും ചേർന്ന് വരുന്ന ഹൃദയപൂർവം തന്നെയാണ് അതിൽ ഏറ്റവും അട്ട്രാക്ഷൻ . തുടരും എന്ന വൻ വിജയത്തിന് ശേഷം ലാലേട്ടന്റെ ആയി റിലീസ് ആകുന്ന സിനിമ കൂടിയാണ് ഹൃദയപൂർവം ! തുടരും എന്ന വിജയത്തിനുശേഷം ലാലേട്ടൻ പ്രതാപം ഹൃദയപൂർവം എന്ന സിനിമയിലൂടെ തുടരുമോ എന്ന് കാത്തിരുന്ന് കാണാം.

അടുത്തത് ലോകാഃ ചാപ്റ്റർ 1 ചന്ദ്ര എന്ന സിനിമയാണ് … മലയാളസിനിമയുടെ പുതിയ തലമുറയിലെ ഏറ്റവും സെലിബ്രറ്റഡ് ആയ നസ്ലെനും കല്യാണി പ്രിയദർശനും ഒന്നിച്ചെത്തുന്ന, ദുൽഖർ സൽമാന്റെ വേഫേറെർ മൂവീസിന്റെ ബാന്നറിൽ എത്തുന്നു എന്നതും ലോകാഃ ചാപ്റ്റർ 1 ചന്ദ്ര യെ പ്രേക്ഷകർ ആകാംഷയോടെ കാത്തിരിക്കുന്ന ഒരു സിനിമയാണ്. മലയാളത്തിലേക്ക് എത്തുന്ന സൂപ്പർ ഹീറോ തരംഗത്തിലേക്കു ഒരു സിനിമ കൂടി എന്നുള്ള പ്രത്യേകത കൂടി ലോകാഃ കു ഉണ്ട്.

ഇനിയുള്ളത് ഓടും കുതിര ചാടും കുതിര എന്ന സിനിമയാണ്.. ഞണ്ടുകളുടെ നാട്ടിൽ ഒരിടവേള എന്ന സിനിമക്ക് ശേഷം അൽത്താഫ് സംവിധാനം ചെയ്യുന്ന സിനിമ ആണ് ഓടും കുതിര ചാടും കുതിര. ഫഹദ് ഒരു നീണ്ട ഇടവേളയ്ക്കു ശേഷം ചെയ്യുന്ന മലയാള സിനിമയിൽ കൂടെ അഭിനയിക്കുന്നത് കല്യാണി പ്രിയദർശൻ തന്നെയാണ്. തൊട്ടതെല്ലാം പൊന്നാക്കിയ ഫഹദും മലയാള സിനിമയിലേക്ക് കൃത്യമായതും വ്യത്യസ്തമായതുമായ വേഷങ്ങൾ ചെയ്തു ഒരു നായിക ആയി മാറിയ കല്യാണിയും ഒന്നിക്കുമ്പോൾ ഓടും കുതിര ചാടും കുതിര പ്രതീക്ഷകൾക്കുമപ്പുറത്താണ് എന്ന് നിസംശയം പറയാം.

മലയാളത്തിലും തമിഴിലും ഹിന്ദിയിലും ഇതിനോടകം തന്നെ തന്റെ സാമീപ്യം അറിയിച്ച ഒരു യുവ നടനാണ് ഹൃദു ഹാറൂൺ. All We Imagin As Light , മുറ , ധീര വീര ശൂരൻ എന്നീ സിനിമകളിലൂടെ തന്റെ കഴിവിനെ വ്യക്തമായി കാണിച്ച ഹൃദു ഹാറൂൺ ഇത്തവണ മലയാളികളുടെ ഓണത്തിന് എത്തുന്നത് Maine Pyar Kiya എന്ന സിനിമയും ആയാണ്. ഫൈസൽ ഫസിലുദ്ധീൻ ആണ് സിനിമയുടെ സംവിധായകൻ . തമിഴിലും തെലുഗുവിലും തന്റെ സാനിധ്യം അറിയിച്ച പ്രീതി മുകുന്ദൻ ആണ് സിനിമയിൽ ഹൃദു ഹാറൂണിന്റെ നായികയായെത്തുന്നത്. പ്രീതിയുടെ ആദ്യ മലയാള സിനിമ കൂടിയാണ് Maine Pyar Kiya .

ഇത്തവണ ഓണത്തിന് ഒരു തമിഴ് സിനിമ കൂടി മത്സരത്തിനുണ്ട് . ശിവകാർത്തികേയന്റെ മദ്രാസി ! A R മുരുഗദോസിന്റെ സംവിധാനത്തിൽ ഒരുങ്ങുന്ന മദ്രാസി ഒരു മാസ്സ് ആക്ഷൻ സിനിമയുടെ ജോണറിലാണ് പ്രേക്ഷകരിലേക്കെത്തുന്നത്. തുപ്പാക്കി അഞ്ചാൻ എന്നീ സിനിമകൾക്കു ശേഷം നീണ്ട പത്തു വർഷത്തിനൊടുവിൽ വീണ്ടും തമിഴിലേക്ക് വിദ്യുത് ജംവാൾ എത്തുന്നു എന്ന ഒരു പ്രത്യേകത കൂടി മദ്രാസി എന്ന സിനിമക്കുണ്ട് . ശിവകാർത്തികേയന്റെ ബ്ലോക്കബ്സ്റ്റർ അമരന് ശേഷം ഇറങ്ങുന്ന മദ്രാസി എന്ന സിനിമയെ മലയാളികൾ എങ്ങിനെ സ്വീകരിക്കുന്നു എന്ന് കണ്ടറിയാം.

ഹൃദയപൂർവം , ലോകാഃ ചാപ്റ്റർ 1 ചന്ദ്ര , ഓടും കുതിര ചാടും കുതിര ,Maine Pyar Kiya & മദ്രാസി ഇവയിൽ 2025 ഓണം ആരുടെ കൂടെ നില്കും എന്ന് അറിയാൻ ഇനി ദിവസങ്ങളുടെ കാത്തിരിപ്പു മാത്രം.

ഏവർകും മൂവീസ് അൺഫിൽറ്റെർഡ് ടീമിന്റെ ഹൃദ്യമായ ഓണാശംസകൾ !

VV