ഓപ്പൺ ആർട്ട് ക്രിയേഷൻസ്, സൂര്യ എസ് സിനിമാസ്, വിവോക്സ് മൂവി ഹൗസ് എന്നിവയുടെ ബാനറിന്റെ കീഴിൽ ബിനുൻ രാജ് സംവിധാനം നിർവഹിചച്ച് കോമഡി, ഡ്രാമ, റൊമാൻസ് എന്നിവക്ക് പ്രാധാന്യം നൽകി, ധ്യാൻ ശ്രീനിവാസൻ പ്രധാനവേഷത്തിൽ എത്തുന്ന ഒരു വടക്കൻ തേരോട്ടം എന്ന ചിത്രം ഒരുങ്ങുന്നു.
ടീസററിലെ സൂചന പ്രകാരം, ഒരു സാധാരണ ഗ്രാമീണ പശ്ചാത്തലത്തിൽ, ബിടെക് ബിരുദധാരിയായിട്ടും ഓട്ടോറിക്ഷ ഡ്രൈവറായി മാറുന്ന നന്ദൻ നാരായണൻ എന്ന കഥാപാത്രത്തെയാണ് ധ്യാൻ ശ്രീനിവാസൻ അവതരിപ്പിക്കുന്നത്. അയാളുടെ ജീവിതത്തിലെ രസകരമായ സംഭവങ്ങളും പ്രണയവും നർമ്മവും നിറഞ്ഞ നിമിഷങ്ങളുമായിരിക്കും ചിത്രത്തിൽ പ്രധാനം.
തെന്നിന്ത്യൻ താരങ്ങളായ ആനന്ദ്, രാജ് കപൂർ എന്നിവരും ചിത്രത്തിൽ പ്രധാന വേഷങ്ങളിലുണ്ട്. സുധീർ പറവൂർ, ധർമ്മജൻ ബോൾഗാട്ടി, വിജയകുമാർ, സലിം ഹസൻ, ദിലീപ് മേനോൻ, കോഴിക്കോട് നാരായണൻ നായർ, രാജേഷ് കേശവ് തുടങ്ങിയവരും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു.
തിരക്കഥ ഒരുക്കിയിരിക്കുന്നത് സാനു അശോകാണ്.ബേർണിയും അദ്ദേഹത്തിന്റെ മകൻ ടാൻസനും ചേർന്നാണ് സംഗീതം ഒരുക്കിയിരിക്കുന്നത്. കൈതപ്രം ദാമോദരൻ നമ്പൂതിരിയും ഹസീന എസ്. കാനവും ആണ് ഗാനരചയിതാക്കൾ.
