നിവിൻ പോളി Disney+ Hotstar-ലേക്ക്. ഫാർമസ്യൂട്ടിക്കൽ ഡ്രാമാ‑ത്രീല്ലർ

കൃഷ്ണൻ സേതു കുമാർ, മൂവി മിൽ ബാനറിൽ കീഴിൽ നിർമ്മിച്ച് പി. ആർ. അരുൺ സംവിധാനവും രചനയും നിർവഹിചച്ച് യഥാർത്ഥ സംഭവങ്ങളെ ആസ്പദമാക്കി, നിവിൻ പോളി പ്രധാനവേഷത്തിൽ എത്തുന്ന “ഫാർമ” എന്ന ചിത്രം ഒരുങ്ങുന്നു.

നിവിൻ പോളി ഒരു വെബ് സീരീസിൽ ആദ്യമായി അഭിനയിക്കുന്നു എന്ന പ്രത്യേകത ഈചിത്രത്തിനുണ്ട് .മാത്രമല്ല വർഷങ്ങൾക്കു ശേഷം” എന്ന സിനിമയുടെ വിജയത്തിനു ശേഷം നിവിൻ പോളിയുടെ ഓ.ടി.ടി യിലെ അരങ്ങേറ്റം സിനിമ ലോകത്ത് വലിയ പ്രതീക്ഷ നൽകുന്നുണ്ട് .

ഫാർമസ്യൂട്ടിക്കൽ വ്യവസായത്തിലെ യഥാർത്ഥ സംഭവങ്ങളെ അടിസ്ഥാനമാക്കിയാണ് ഈ സീരീസ് ഒരുക്കിയിരിക്കുന്നതിനാൽ . ഇത് കഥയ്ക്ക് ഒരു യാഥാർത്ഥ്യബോധവും ഗൗരവവും നൽകുന്നു.ഒരു മെഡിക്കൽ റെപ്രസന്റേറ്റീവിന്റെ ജീവിതത്തിലൂടെ ഫാർമ വ്യവസായത്തിലെ സങ്കീർണ്ണതകളും വെല്ലുവിളികളും അഴിമതികളും സീരീസ് ചർച്ച ചെയ്യുന്ന ഈ ചിത്രത്തിൽ മികച്ച താരനിരതന്നെയുണ്ട്..

ഒരു സാധാരണ മധ്യവർഗ്ഗ കുടുംബത്തിലെ യുവാവിനെ കേന്ദ്രീകരിച്ചാണ് കഥ മുന്നോട്ട് പോകുന്നത്. ഇരുപതുകളിൽ ഒരു മെഡിക്കൽ റെപ്രസന്റേറ്റീവായി ഫാർമസ്യൂട്ടിക്കൽ വ്യവസായത്തിൽ പ്രവേശിക്കുന്ന അയാളുടെ ജീവിതത്തിലെ പോരാട്ടങ്ങളാണ് സീരീസിന്റെ പ്രമേയം.

ഈ വ്യവസായത്തിലെ “കളിയുടെ നിയമങ്ങൾ” മനസ്സിലാക്കാനും അതിനനുസരിച്ച് മുന്നോട്ട് പോകാനും അയാൾ പാടുപെടുന്നു. മുപ്പതുകളോടെ അയാൾ ഉയരങ്ങളിലെത്തുമ്പോൾ, വ്യവസായത്തിലെ വ്യാപകമായ അഴിമതികളുമായി അയാൾക്ക് ഏറ്റുമുട്ടേണ്ടി വരുന്നു. വളർച്ച, ധാർമ്മിക പ്രശ്നങ്ങൾ, വ്യവസ്ഥാപിതമായ പ്രശ്നങ്ങൾക്കെതിരായ പോരാട്ടം എന്നിവയെല്ലാം ഈ കഥയിൽ പ്രതീക്ഷിക്കാം. ഫാർമസ്യൂട്ടിക്കൽ ലോകത്തിന്റെ സൂക്ഷ്മമായ കാര്യങ്ങളിലേക്കും ധാർമ്മിക സങ്കീർണ്ണതകളിലേക്കും ഇത് കടന്നുചെല്ലുന്നു.

നിവിൻ പോളിക്കു പുറമെ രജിത് കപൂർ, നരെയ്ൻ, ശ്രുതി രാമചന്ദ്രൻ, വീണ നന്ദകുമാർ, മുത്തുമണി, നിഖിൽ രാമചന്ദ്രൻ, ബിനു പപ്പു എന്നിവരും അഭിനയിക്കുന്നുണ്ട്.

പിന്നണി പ്രവർത്തകരായി സംഗീതം: ജേക്സ് ബിജോയ്,ഛായാഗ്രഹണം: അഭിനന്ദൻ രാമാനുജം, എഡിറ്റിംഗ്: ശ്രീജിത്ത് സാരംഗ് എന്നിവരും അണിചേരുന്നുണ്ട്.

Leave a Reply

Your email address will not be published. Required fields are marked *