ഇപ്പോഴൊക്കെ സമയം കിട്ടുമ്പോൾ ഒക്കെ ഉള്ള മെയിൻ പരിപാടി എന്തെങ്കിലും വായിക്കുക ഇല്ലെങ്കിൽ ഫേസ്ബുക്കിലൂടെ കണ്ണോടിക്കുക എന്നുള്ളതാണ്….അപ്പോൾ കേറിവരുന്ന റീൽസ് .. അതിൽ സിനിമയെ സംബന്ധിച്ചുള്ളതാണെങ്കിൽ അതിങ്ങനെ കണ്ടുകൊണ്ടിരിക്കും … ഒന്നിന് പുറകെ ഒന്നായി എന്ന പോലെ റീൽസ് ഇങ്ങനെ വന്നുകൊണ്ടേയിരിക്കും . അങ്ങിനെയാണ് ഞാൻ ഈ സിനിമയെ പറ്റി അറിഞ്ഞത് … ഒന്ന് രണ്ടു ഷോട്സ് വീഡിയോസ് കണ്ടപ്പോൾ സംഗതി കൊള്ളാം എന്ന് തോന്നി .. പിന്നെ അന്വേഷിച്ചു… റിലീസ് ആയതാണോ … എന്നാണ്…ഓ ടി ടി ഏത് പ്ലാറ് ഫോമിലാണ് എന്നൊക്കെ… പക്ഷെ ചെന്നെത്തിയത് യൂട്യൂബിൽ ആണെന്ന് മാത്രം.
ഗൂഗിളിൽ പരതി നോക്കി…അന്നേരം പടം തിയേറ്ററിൽ റിലീസ് ആയിട്ടുണ്ട്… എന്നാൽ ഓടിയോ ..? ഇല്ലെന്നാണ് തോന്നുന്നത് .. അതുകൊണ്ടായിരിക്കുമല്ലോ ഓ ടി ടി കാരൊന്നും പിടിക്കാഞ്ഞത് … എന്തായാലും യൂട്യൂബ് തന്നെ ശരണം .. പടം കണ്ടു… ഒരു പ്രതികാരം ലൈൻ ആണ് സ്റ്റോറി … വേണമെങ്കിൽ ഒരു പഞ്ചിനു നിയമം പാലിക്കേണ്ട നിയമപാലകർ തന്നെ വേട്ടക്കാരായാൽ സ്വയം രക്ഷിക്കാൻ ഏതറ്റം വരെയും പോകുന്ന ഇര എന്നൊക്കെ പറയാം … എന്നാലും തെറ്റില്ല … തേര് .. “ദി വൺ ഓൺ ദി കോർണർ ” ടാഗ് ലൈൻ ഒക്കെ കൊള്ളാം ..സിനിമയുടെ പേരും പൊളിയാണ് ! ഇനി സിനിമയിലേക്ക് …
ബാബുരാജ് , ഷാജോൺ , പ്രശാന്ത് അലക്സാണ്ടർ , ശ്രീജിത്ത് രവി , അസീസ് നെടുമങ്ങാട് , അമിത് ചക്കാലക്കൽ , പ്രമോദ് വെളിയനാട് , സഞ്ജു ശിവറാം , വിജയരാഘവൻ , വീണ നായർ , സ്മിനു സിജോ , നിൽജ ബേബി എന്നിങ്ങനെ ഒട്ടും തരക്കേടില്ലാത്ത ഒരു താര നിര ഉണ്ട് തേര് എന്ന സിനിമക്ക് … ദിനിൽ പി കെ യുടെ എഴുത്തിനു സംവിധാനത്തിലൂടെ ജീവൻ നൽകിയത് എസ് ജെ സിനു . 2023 ജനുവരി യിൽ തീയേറ്റർ റിലീസ് ചെയ്ത സിനിമയും കൂടിയാണ് ഇത്.
ഏതൊരു വ്യക്തിയുടെയും ജീവിതത്തിൽ ഉണ്ടാകാൻ സാധ്യത ഉള്ള ഒരു സാഹചര്യം .. അതിലൂടെ സംഭവിക്കുന്ന ഒരു അത്യാഹിതം … പിന്നീടങ്ങോട്ട് കഥയെ കൊണ്ടുപോകുന്നതും ആ സംഭവം .. ഇതുപോലെ ഉള്ള തിരക്കഥ ഇതിനു മുൻപും ശേഷവും ഉണ്ടായിട്ടുണ്ട് … ഉദാഹരണം .. മഹേഷിന്റെ പ്രതികാരം എന്ന ഫഹദ് ഫാസിൽ സിനിമ .. സിനിമയുടെ തുടക്കത്തിൽ തന്നെ വളരെ യാദ്ര്ശ്ചികമായി സംഭാഭിക്കുന്ന ഒരു സൈക്കിൾ അപകടം …പിന്നീട് ദേശീയഗാനവും , ചാക്കിലെ മുഴുവൻ നെല്ലിക്കയും പറക്കികൊണ്ടു ഓടുന്ന കുട്ടികളും അവസാനം ആ സീനിൽ കാളി ചാക്ക് പിടിച്ചു നിൽക്കുന്ന കഥാപാത്രവും .. അയാളുടെ ആ ദേഷ്യമാണ് ആ സിനിമയുടെ മുഴുവൻ കഥാഗതിയെയും തുടക്കമിട്ടത്. .. തേര് എന്ന സിനിമയിലും ഇതുപോലൊരു ട്രീറ്റ്മെന്റ് കാണുവാൻ സാധിക്കും …
അഭിനേതാക്കൾ എല്ലാവരും തന്നെ നല്ല രീതിയിൽ പ്രകടനം കാഴ്ച വച്ച ഒരു സിനിമയായിട്ടാണ് എനിക്കു തോന്നിയത് … അച്ഛന്റെ പെട്ടന്നുള്ള മരണം ..ആ സീനൊക്കെ ഒട്ടും അതി നാടകീയത ഇല്ലാതെ തന്നെ വളരെ റിയലിസ്റ്റിക് ആയി സംവിധായകൻ സിനു എടുത്തു വച്ചിട്ടുണ്ട് … ഇമോഷണൽ സീനൊക്കെ കറക്റ്റ് മീറ്റർ … ഒപ്പം തന്നെ സഹപ്രവർത്തകൻ കൊല്ലപെടുമ്പോഴും കൂട്ടുകാരുടെ ഇടപെടലും … അനിയന് സംഭവിച്ച അബദ്ധം ,അത് എങ്ങിനെയെങ്കിലും കവർ അപ്പ് ചെയ്യാനുള്ള ചേട്ടന്റെ ബദ്ധപ്പാട് .. മേലുദ്യോഗസ്ഥന്റെ ആജ്ഞ അനുസരിക്കാൻ ബാധ്യസ്ഥയാകുന്ന എ എസ് ഐ ലേഡി ഓഫീസർ … അങ്ങിനെ ചെറുതും വലുതും ആയ എല്ലാ റോളുകളും കിറുകൃത്യം … ആ സാഹചര്യത്തിൽ നമ്മൾ ആണെങ്കിലും ഇതൊക്കെ തന്നെയാണ് ചെയ്യുക എന്നൊരു ഫീൽ സിനിമ കാണുന്ന ഓരോരുത്തർക്കും കിട്ടുന്ന ഒരു സിനിമ. അമിത് ചക്കാലക്കൽ നായകന്റെ റോൾ കിടുവായി ചെയ്തിട്ടുണ്ട്…അത്ഭുതം ഒന്നും പ്രതീക്ഷിക്കണ്ട …എന്നാലും ഒരു തുടക്കകാരനെ ഇവിടെ കാണാൻ സാധിച്ചില്ല… അത്രയ്ക്ക് നല്ലതായി ഇമോഷണൽ സീന്സും സംഘട്ടനവും ഒക്കെ ചെയ്യാൻ അമിത്തിനു കഴിഞ്ഞിട്ടുണ്ട്… !
ദിനിൽ എന്ന എഴുത്തുകാരൻ നന്നായി എഴുതിയിട്ടുണ്ട് … സിനു വിന്റെ സംവിധാനവും സിനിമാട്ടോഗ്രഫിയും ഒക്കെ നന്നായിട്ടുണ്ട് .. അഭിനേതാക്കളും കിടു. എന്നിട്ടും എന്തെ സിനിമ എങ്ങും എത്തിയില്ല… ഒരുപക്ഷെ കണ്ടും കേട്ടും പഴകിയ ഒരു ജോണർ .. അതായിരിക്കും .. അങ്ങിനെ പല പ്രാവശ്യം ഉപയോഗിച്ച ജോണർ വീണ്ടും എടുത്തുപയോഗികുമ്പോൾ പ്രേക്ഷകർക്ക് ഗ്രിപ്പിങ് ആയ എന്തെങ്കിലും ഉണ്ടാവണം … അവിടെയാണ് എഴുത്തുകാരനും സംവിധായകനും ശ്രദ്ധിക്കേണ്ടത് എന്ന് സിനിമ കണ്ടു കഴിജപ്പോൾ എനിക്ക് തോന്നിയത് … ഒരു വൗ ഫാക്ടർ എവിടെയോ മിസ്സിംഗ് ആയ പോലെ ഒരു ഫീൽ….!
കാണാത്തവർക്ക് കാണായി സിനിമ യൂട്യൂബിൽ ഉണ്ട്… മില്യൺ വ്യൂസ് ഒക്കെ ആയോ എന്നാണ് കണ്ടത്… അത് എന്തായാലും കണ്ടിരിക്കാം…. തേര് ..ദി വൺ ഓൺ ദി കോർണർ !!
VV
